📢 «Өмірге қол соз!» акциясы

«Өмірге қол соз!» акциясы аясында білім алушылар мен олардың ата-аналары арасында Қостанай облысы әкімдігі білім басқармасының «Психологиялық қолдау және тәрбие жұмысының өңірлік оқу-әдістемелік орталығы» КММ қызметі туралы ақпараттық-түсіндіру жұмыстары жүргізілді.

Акцияның мақсаты – өскелең ұрпақ пен олардың заңды өкілдерінің сындарлы қарым-қатынас дағдыларын қалыптастыру, психологиялық тұрақтылық деңгейін арттыру, эмоционалдық интеллектіні дамыту, сондай-ақ буллингтің, зорлық-зомбылықтың және психоактивті заттарды қолданудың алдын алу.

Іс-шара барысында қатысушыларға психологиялық саулықты сақтау, ата-ана мен бала арасындағы қарым-қатынасты нығайту және уақытылы психологиялық көмек алу жолдары туралы ұсыныстар қамтылған ақпараттық жадынамалар таратылды.

🤝 Есіңізде болсын: қолдау көрсету, қамқорлық таныту және жылы сөз айту адамның қиындықтарды жеңуіне және өзіне деген сенімін сақтап қалуына көмектеседі!