Жарияланды 31 Мамыр 2026

📚 29 мамыр күні мектебімізде негізгі орта білім беру курсын аяқтаған білім алушылардың қорытынды аттестаттауы басталды. Алғашқы болып математика (алгебра) пәнінен емтихан өткізілді.

Биыл қорытынды аттестаттауға 15 оқушы жіберілді. Бұл – олардың алдағы білім жолындағы маңызды әрі жауапты кезең.

Түлектерімізге өз білімдеріне сенімділік, сабырлылық, барлық тапсырмаларды сәтті орындап, жоғары нәтижелерге қол жеткізулерін тілейміз. Ерен еңбек, табандылық және жетістікке деген ұмтылыс емтихан сынақтарынан абыроймен өтуге көмектессін!

Сәттілік тілейміз, құрметті түлектер! 🎓✨

Жарияланды 28 Мамыр 2026

Мектебімізде «2025–2026 оқу жылын аяқтау және қорытынды аттестаттауды өткізу» тақырыбында педагогикалық кеңес өткізілді.

Кеңес барысында оқу жылын аяқтауға байланысты негізгі мәселелер, білім алушылардың қорытынды аттестаттауын ұйымдастыру, сондай-ақ емтихандарды өткізуге қатысты нормативтік-құқықтық құжаттар мен бұйрықтар қарастырылды.

Атап айтқанда:
🔹 1–4 сынып оқушыларын келесі сыныпқа көшіру;
🔹 қорытынды аттестаттау мен консультациялар кестесін бекіту;
🔹 емтихан материалдарын дайындау;
🔹 емтихан өткізу кезінде академиялық адалдық пен қауіпсіздік талаптарын сақтау;
🔹 оқушылардың жазғы демалысы мен бос уақытын тиімді ұйымдастыру мәселелері талқыланды.

Мектеп әкімшілігі тарапынан педагогтерге оқу жылын сапалы аяқтау бойынша тиісті түсіндірмелер мен ұсынымдар берілді.

Педагогикалық ұжымға атқарған еңбектері, кәсібилігі және оқушыларды оқыту мен тәрбиелеудегі жауапкершілігі үшін алғыс білдіреміз!