Жарияланды 01 Сәуір 2026

«Адал азамат» біртұтас тәрбие бағдарламасы аясында біздің мектепте «Біз таңдаған кітаптар»тақырыбында сынып сағаттары өтті.
Біз қандай кітаптар біздің құндылықтарымызды қалыптастыратынын, әлемді және өзімізді жақсы түсінуге көмектесетінін талқыладық. Балалар өздерінің сүйікті шығармаларымен бөлісті, кейіпкерлерден не үйренгендерін және саналы түрде оқудың маңыздылығын айтты.
Кітап тек білім көзі ғана емес, нағыз дос және тәлімгер. Бұл біздің таңдауымызға байланысты.
Әркім шабыттандыратын, қолдайтын және жақсартуға көмектесетін өз кітабын табсын!

Жарияланды 31 Наурыз 2026

2026 жылы орта білім беру ұйымдарының бірінші сыныбына қабылдау қағидаларына өзгерістер енгізілді.

Бірінші сыныпқа құжаттарды қабылдау әр облыс үшін кезең-кезеңімен жүргізіледі. Мұндай шешім электрондық egov.kz. үкімет порталына жүктемені азайту мақсатында қабылданды

 Қостанай облысында құжаттарды қабылдау 2026 жылғы 18 маусымнан 31 тамызға дейін жүзеге асырылады.

Сондай-ақ, осы жылдан бастап мектептер жанындағы мектепалды сыныптардың тәрбиеленушілері ата-аналарының немесе оларды алмастыратын адамдардың өтініші негізінде бірінші сыныпқа автоматты түрде қабылданатынын хабарлаймыз.

Егер ата-аналар мектепке дейінгі сыныпты бітіргеннен кейін басқа мектепті таңдаса, құжаттарды беру жалпы негізде жүзеге асырылады. «Білім туралы» Қазақстан Республикасының Заңына сәйкес бірінші сыныпқа 6 жастан бастап балалар ата-аналарының өтініші бойынша даярлық деңгейіне қарамастан қабылданады.  

Қажетті құжаттар тізімі:

1. ата-аналардың немесе өзге де заңды өкілдердің өтініші;
2. денсаулық жағдайы туралы анықтама (№065-у нысаны) және баланың денсаулық паспорты (№052-2/у нысаны);
3. 3×4 см фотосуреттер (2 дана).

Құжаттарды қабылдау тәртібіне немесе беру мерзімдеріне өзгерістер енгізілген кезде тиісті ақпарат Сіздің назарыңызға уақтылы жеткізілетін болады.